Alkatetzak ohar bat bidali du gaur, euriteak direla eta sortu daitezkeen arazoen aurrean, Udalaren kezka azaldu eta herritarrei zenbait jakinarazpen emateko. Añarbeko urtegia gainezka dagoela azpimarratzen du eta Añarbeko Urak-Aguas del Añarbe elkarteak jakitera eman duenez, gaur 17:30etan presa irekiko du, ohiko prozeduraren bitartez, goizean %96,33 betea baitzegoen. Ordurako ura Landaren aterea zela kontuan hartuta, Alkateak herritarrak ohartarazi ditu kontuz ibiltzeko ibai ertz inguruan, ´eta beharrezko neurriak hartzeko, lur eta etxebizitzak zaintzeko eta ahal den neurrian kalteak ekiditeko`. Udaleko langileek ikuskatze lanak egin dituztela ere azpimarratu du ´ura jasotzen duen sistema ondo dagoela konprobatzeko, eta Udaltzaingoa adi izango da, sor daitezkeen arazoei, ahal den naurrian aurrez heldu ahal izateko`. Horrez gain, herritarrei dei egin die Udalak, edozein gertaeren aurrean Udalera nahiz udaltzaingora egiteko edo deitzeko ´behar diren neurriak hartu ahal izateko.