Portugaleten jokatu zen atzo KAE2 ligako estropada eta hernaniarrek paper ona egin zuten, baina ez zuten beren helburu nagusia betetzerik izan. Hirugarren izan ziren hernaniarrak, Castro eta Busturialdearen atzetik eta bizkaitarrek beste puntu bat erantsi zioten bien arteko aldeari eta 9 puntuko zuloa dago orain, hirugarren postuan den Busturialdea eta laugarren postuan den Hernaniren artean.
Hasiera oso ona
Hernaniarrek hasiera oso ona eman zioten estropadako ohorezko tandari eta lehen ziaboga aurreneko postuan hartu zuten. Bigarren ziabogaraino ere ondo eutsi zioten, Castrok aurrea hartu bazien ere, eta hirugarrenean ez zuten maniobra onegia egin eta bukaeran hartu zien aurrea Busturialdeako traineruak. Hurrengo estropada datorren igandean jokatuko dute Bilbon eta hernaniarrak dena ematera irtengo dira, igoera fasean sartzeko dituzten aukera apurrak borrokatzera.
Atzoko Sailkapena
1- S.D.R. CASTRO 20:41
2- BUSTURIALDEA 20:51
3- HERNANI 20:56
4- PORTUGALETE 20:58
........