Emakumezkoen liga
Zarautzek 1
Hernanik 0
EMAKUMEZKOEN ligan, Hernanik aurredenboraldiko aurreneko partidua jokatu zuen larunbatean Zarautzen kontra eta 1 eta 0 galdu zuen. Entrenatzailearen asmoa zen partidu honetan 2 ekipo osatu eta partiduko zati bakoitzean talde bat ateratzea. Hala ere, azkenean ez ziren hainbeste jokalari bildu eta jokalari guztiak txandan-txandan atera zituen. Aurredenboraldiko aurreneko partidua izan da Zarautzen kontrakoa eta entrenatzaileak balorazioa positiboa egin du: ´aurreneko partidua izateko ondo aritu gara, gutxi entrenatu dugu eta landutako gauzak ondo atera dira` adierazi du. Datorren larunbatean bi partidu izango dituzte: 11:30etan, Zarautzen kontra ; eta 17:00etan, Añorgaren kontra.