JOAN den larunbatean, abuztuak 4, bukatu zen Txantxangorri elkarteko erregularitate txapelketa, Arkaleko eremuan egin zen ibilbide barruko tiraldiarekin. Tiraldian Jesus Arrieta izan zen garaile, 23 plater botata, eta bigarren izandako Roberto Garcia Tejedor (baita ere 23rekin) geratu da Erregularitateko txapelduna, guztira 89 plater botata. Azpitxapeldun Jose Antonio Aranburu izan da, 83 platerekin, eta hirugarren Xabier Mujika, 78rekin. Garcia Tejedor txapeldun izan zen iaz eta aurten probarik irabazi gabe geratu da aurrena. Azken tiraldiaren ondoren, sariak banatu zituzten Txantxangorrik Santa Barbaran duen lokalean, mokadutxoarekin batera. Garcia Tejedorrek txapela jantzi zuen eta kartutxo sorta bat ere eman zioten.
Azken proban
Jesus Arrieta garaile Azken proba puntuagarria, Ehiza ibilbide tiraldia joan den larunbatean jokatu zen, Arkalen, eguraldi ederrarekin. Modalitate honetan norabide ezberdinetan botatzen dituzte platerak eta antolatzaileen esanetan txapelketako proba politena izaten da. Bertan 18 parte hartzaile izan ziren eta Jesus Arrieta izan zen irabazle, 23 plater botata. Roberto Garcia Tejedor azken txapeldunak ere puntu kopuru bera zuen. Hirugarren Jose Manuel Criado geratu zen, 22 punturekin. Jesus Arrietak proba bakarrean hartu du parte eta irabazi egin du. Horrenbestez, 23 punturekin, 22garren geratu da sailkapen orokorrean. Parte hartzaile gehienak huts egin dute probaren batean eta hutsik egin ez duten bost ehiztariak (Garcia Tejedor, Aranburu, Mujika, Parra eta Sestelo) sailkapen orokorreko lehen postuetan geratu dira.
Bost proba, bost irabazle
Erregularitate txapelketa martxoaren 18an hasi zen eta ordutik bost tiraldi izan dira. Elkarteko lehen tiraldia Mini Foso Unibertsal proba izan zen, eta Gonzalo Rodriguezek irabazi zuen, 15 platerak botata. Apirilaren 28an, Trap Amerikarra Pablo Tejadak irabazi zuen, honek ere plenoa eginda (15 plater). Maiatzaren 26an jokatu zen hurrengo proba, Foso Unibertsala, eta Luis Mari Zerain izan zen garaile, 25 plateretik 23 botata. Uztailaren 29an Iñaki Estarloak irabazi zuen Trap Bikoitza, Luis Mari Zerainekin 19 plateretara berdindu ondoren. Azken proba, berriz, Jesus Arrietarentzat izan da.
Sailkapen orokorra
1. Roberto Garcia Tejedor 89 p.
2. Jose Antonio Aranburu 83 p.
3. Xabier Mujika 78 p.
4. Vidal Parra 72 p.
5. Narciso Sestelo 71 p.
6. Cristobal Barragan 68 p.
7. Luis Mari Zerain 59 p.
8. Antonio Redondo 58 p.
9. Iñaki Urdanpilleta 57 p.
10. Iñaki Estarloa 55 p.
11. Angel Mª Alberdi 42 p.
12. Jose Manuel Criado 39 p.
13. Emilio Crespo 39 p.
14. Oskar Redondo 38 p.
15. Ignacio Agirresarobe 36 p.
16. Javi Parras 30 p.
17. J. M. Parras 29 p.
18. Yon Garaiar 29 p.
19. Pablo Tejada 27 p.
20. Gonzalo Rodriguez 26 p.
21. Luis Garaiar 26 p.
22. Jesus Arrieta 23 p.
23. Jabier Oskoz 22 p.
24. Arrizabalaga 19 p.
25. J. Pedro Yeregi 18 p.
26. Borja San Jose 15 p.
27. Iradi 14 p.
28. Manu Loinaz 12 p.
29. Felipe Tejada 12 p.
30. Bixente Goñi 6 p.