San Ferminetako Kider txapelketako bikote txapelduna elkarrekin Galarretan

Erremonte jaialdia izango da gaur Galarretan. Bigarren partiduan gainera San Ferminetako Kider txapelketako bikote txapelduna jokatzen ikusteko aukera izango da: Koteto Ezkurra eta bere iloba den Patxi Olazar Ezkurra. Aurkari Altuna II eta Urrutia izango dituzte. Partidua jaialdiko bigarrena izango da. Beste partidu hauek ere jokatuko dira: Zalakain-Gaztelu/Gorriz-Zubizarreta; Uterga-Ion/Agirresarobe-Agirrezabala; eta Zalakain-Urko/Etxeberria IV-Aizpurua. Jaialdia arratsaldeko 16:00etan hasiko da. Atzo ere izan ziren partiduak Galarretan. Gorriz eta Zubizarretak 26 eta 35 galdu zuten Matxin IV eta Etxezabalen kontra. Altuna I-Eizagirrek 38 eta 40 galdu zuten Juaristi-Etxaberen kontra; Urriza-A.Lekunberrik 40 eta 32 irabazi zuten Sarasua-Auzmendiren kontra; eta Ibarzabal-Gazteluk 30 eta 19 irabazi zuten Zulaika-Astibiaren kontra.