Atzo aurkeztu zuten aurtengo Casino Kursaal txapelketa, erremonte denboraldiko txapelketa garrantzitsuena, bakarka. Zortzi izango dira parte hartuko duten erremontistak: Ezkurra, Zeberio II, Urrutia, Altuna II, Juaristi, Iriarte, San Miguel eta Bitoria. Koteto Ezkurra, bederatzi aldiz txapeldun izandakoa, da faborito nagusia. Zeberio II, iazko txapelduna, eta Urrutia ere kontuan izn beharko dira.
Hasteko, Bitoria-San Miguel
Txapelketa etzi hasiko da, Galarretan, Bitoria eta San Miguelen aurkako partiduarekin. Larunbatean, berriz, Iriartek eta Juaristik jokatuko dute. Abuztuan,ostegunero eta larunbatero izango dira txapelketako partiduak Galarretan eta finala irailaren 1ean izango da. Zeberio II eta Koteto Ezkurra abuztuaren 18an sartuko dira txapelketan. Urrutia hilaren 16an sartuko da, eta Altuna II 11n.