Hernaniko traineruak laugarren egin zuen atzo Donibane Lohitzuneko uretan eta, herenegun Orion egindakora iritsi ez bazen ere, denboraldi hasiera ona sendotu zuen, sailkapen orokorrean hirugarren jarrita. Elorrabi 1978 trainerua aurreneko tandan atera zen eta bigarren egin zuen Castro B-ren atzetik. Emaitza ona zirudien, baina gero haizea aldatu egin zen, bigarren tandako traineruen onerako, eta Portugaletek eta Arkotek, denbora hobeak egin zituzten. Haizeak ez zion, antza, kalte haundirik egin Castrori, Ikurriña behatz puntekin ikutu baizuten. Estropada aurretik arraunlari guztiek arraunak altxa zituzten eta dolu isilunea egin zen Ur Joko klub antolatzaileko gazte baten eta Hernani A.E.-ko patroi izandako Fermin Etxeberriaren omenez.
Orokorrean hirugarren Portugaleterekin berdinduta
ACR2 ligako lehenengo bi estropadak pasata, hernaniarrek 16 puntu dauzkate eta Portugaleterekin berdinduta daude bigarren postuan. Beren gainetik, Castro B bakarrik ageri da, 19 punturekin. Hurrengo estropada Elantxoben izango da, datorren igandean 12:00etan.
Atzoko sailkapena
1. Portugalete 20:55
2. Castro B 20:57
3. Arkote A.E. 21:06
4. Hernani Etxe Onenak 21:26
5. Busturialdea 21:26
6. C.R. Colindres 21:37
7. Getxo Sumisan 21:46
8. Deusto 21:47
9. Hibaika A.E. 21:52
10. Raspas A.T. 22:39