Gaur hasiko da Thermotechnic torneoa Galarretan

Thermotechnic torneoa, ´denboraldiko originalena`, gaur hasiko da Galarretan Juaristi-Iriarte eta Altuna II-San Miguel bikoteen arteko partiduarekin. Torneoa ekainaren 30a arte jokatuko dute sei bikotek, Galarretan eta Euskal Jain, eta egun horretan finala jokatuko dute Galarretan. Ezkurra-Zeberio II eta Urrutia-Lizaso bikote Thermotechnic torneoak badakarzki berrikuntza batzuk, esaterako, bi aurrelariz osatutako bikotea (Ezkurra-Zeberio II), bi atzelariz osaturikoa (Lizaso-Urrutia) eta Urriza palista ohiaren parte hartzea Etxeberria IIIrekin. Gainontzeko hiru bikoteak hauek izango dira: Altuna II-San Miguel; Juaristi-Iriarte eta Bitoria-Eizagirre. Beste hiru partidu gaur Galarretan Beste hiru partidu ere jokatuko dira gaur Galarretan, 16:00etan hasita: Matxin IV-Martinez I/Larrea-Olazar; Ezkurra-Eizagirre/Zeberio II-Lizaso eta Uterga-Aizpuru/Urriza-A. Lekunberri. Frontoiaren 37garren urteurrena dela eta, kaba kopa bana hartzera gonbidatuko dituzte ikusleak.