Aralar tabernako XXIII. mus txapelketa gaur bukatuko da eta 21:00etatik aurrera lehen lau sailkatuak erabakitzeko partidak jokatuko dira. Finalean Joxe Arrieta-Joxe Luis Kijera eta Batista Urretabizkaia-Jose Luis Mitxelena bikoteak izango dira. Irabazleek 1.800 euroko saria izango dute eta azpitxapeldunek 1.000koa. Finalaren aurretik, hirugarren postuaren eta 500 euroko sariaren bila bikote hauek jokatuko dute: Agustin Vitoria-Agustin Irazusta/Manolo Valor-Jexux Agirregabiria. Galtzaileek 300 euro eskuratuko dituzte. Partiden artean Marsel magoa Hirugarren eta laugarren posturako partidaren eta finalaren artean, 22:00ak aldera, Marsel magoaren erakustaldia izango da.