Andoaingo San Joan txapelkean parte hartzen ari diren lau erremontista hernaniarrak (Zabala, Barrenetxea, Apezetxea eta Aduriz) final aurrekoetarako sailkatu dira. Etzi, ekainak 15, eta datorren ostegunean, ekainak 20, izango dira partiduak, Andoainen eta Galarretan. Finala ekainaren 23an izango da Andoainen. Bikote hauek izango dira aurrez aurre: Zabala-Barrenetxea/Oiartzabal-Bereziartua; eta Mujika-Aduriz/Apezetxea-Lizarralde.
Larunbateko emaitzak
Larunbatean jokatutako partiduen emaitzak hauek izan ziren: Zabala-Barrenetxea 35-23 Bereau-Urrutia; Mujika-Aduriz 35-3 Karte-Murriondo; eta Bertiz-Saldias 33-35 Etxeberria-Ibai.
Partiduak gaur
Gaur ligaxkako azken bi partiduak jokatuko dira Galarretan, garrantzi gabekoak: Mujika-Aduriz/Etxezabal-Iturzaeta; eta Apezetxea-Lizarralde/Bereau-Urrutia. 18:00etatik aurrera.