1936ko udazkena Gipuzkoan. Hernaniko fusilatzeak liburua aurkeztuko dute bihar Udaletxeko ekitaldi aretoan, 12:00etan. Liburuaren zuzendaria Mikel Aizpuru da, eta berarekin Urko Apaolaza, Txuso Gomez eta Jon Odriozola aritu dira lanean. Liburua Hernaniko Udalak, Eusko Jaurlaritzako Justizia Sailak, Gipuzkoako Diputazioko Giza Eskubideen Departamenduak eta EHUk argitaratu dute, Hernani 1936-2006 proiektuaren baitan.
Hiru urteko ikerketa
Lana hiru urtez luzatu den ikerketaren emaitza da eta horren bidez Hernanin izan ziren ia 200 fusilatzeak oroitu nahi dira, memoria historikoa eta hildako guztien duintasuna berreskuratzeko asmoz.