La Cumbreko bizilagunak datorren larunbatean gelditu dira, beren etxeetara dijoan bidea garbitu eta konpontzeko. Izan ere, bidea ´negargarri` dago eta Kronikari esan diotenez, ´mantenimendua bizilagunek egin dugu, berez Udalaren lana den arren`. Bizilagunak bide berriaren zain daude aspaldi eta esan dutenez, lehen zatia egina dago, baina bigarren zatia hasi gabe dago ´eta lehengo zaharra pusketaka erortzen ari da`.
Larunbatean lana eta festa
Urteak dira La Cumbreko bizilagunek ´beste erremediorik ez` eta bidearen mantenimendua berek eramaten dutela. Preludio aurreko larunbatean gelditzen dira auzo lanerako eta ondorenean festa egiten dute. Etzi larunbata, 08:30etan egin dute lanerako zita eta ondorenean izango dute festa.