Iker Lujanbio gidari hernaniarra Bergarako motokross proban izango da gaur bere Yamaha YZF 250 4T motoarekin eta MX1-eko sailkapen orokorreko lehen postua mantentzea du helburu. Lujanbiok 50 puntu ditu, Haimar Marcilla bigarrenak baino 6 gehiago. Joan den larunbatean korritu zen Gernikan lehen proba puntuagarria eta irabazi egin zuen hernaniarrak, ´nahiko erraz`. Gaur hirugarren eginez gero, ontzat joko luke Euskadiko txapelketako sailkapen orokorrean puntuak batzeko. Lujanbiok iaz irabazi egin zuen Bergaran eta ´zirkuitu polita` dela adierazi du. Ezin da ahaztu Lujanbiok klabikula hautsita izan duela berriki eta ez dagoela guztiz osatuta. Gernikan ´ondo, baina nahiko nekatuta` bukatu zuen.
MX1 modalitatean bi aldiz txapeldun
Iker Lujanbiok Euskadiko txapelketa irabazi du azken bi urteetan, MX1 modalitatean. MX2 modalitatean 450 cc.-ko zilindrada duten motoekin ibiltzen dira eta probatzeko asmorik ba ote duen galdetu diogunean ´gehitxo` litza-tekeela esan digu: ´moto horiek eramateko indar haundia behar da eta nik ez daukat denborarik gimnasiora joateko. Oraingoz ondo txikiarekin`.