Hernaniko pelotariak eta pelotazaleak Orion dute gaur hitzordua, herri arteko lehen kanporaketako itzuliko partiduak direlako. Hernanik 11 tantuko abantaila lortu zuen Urnietan joan den asteburuan eta hori mantentzen saiatuko da gaur Orioko frontoian, 18.00etatik aurrera. Hauek dira jokatuko duten hiru bikoteak: kadeteetan: Arrieta-Otaegi; jubeniletan: Garmendia-Salaberria; eta seniorretan: Erroizenea-Gorrotxategi. Seniorretako atzelaria ez da segurua, San Sebastianek ere jokatu baitezake.
Ioritz Arrieta garaile Matienako txapelketan
Ioritz Arrieta kadeteak Matienako txapelketa irabazi du Bolinaga eskoriatzarrarekin batera, finalean Etxeberria-Aretxabaletari 22-15 irabazita. Denboraldi honetan Arrietak jokatzen duen hirugarren finala da; Berria txapelketan garaile atera zen Bolinagarekin eta Burlatakoan galdu egin zuen, Agirianorekin orduan.