Hernaniko kooperazio taldeak ´nahiko positibo` baloratu ditu apirilean Biterin Saharapeko Afrikari buruz egindako jardunaldiak. Carlos de la Peña antolatzailearen arabera, hitzaldietara azaldu diren askok jardunaldiei esker izan dute Afrikako zona horretako egoeraren berri eta harrituta geratu omen dira han egiten diren injustiziak ikusita: ´Saharapeko afrika ezezaguna baita hemengo jendearentzat. Palestina, Irak eta Irlandako egoera, esaterako, ezagunagoak dira hemen, baina Afrikako egoeraz orain hasi gara jabetzen, gehienbat azken urteetako inmigrazioa dela eta` dio de la Peñak.
Aurreneko bi hitzaldiek arrakasta haundien
Hitzaldi gehienetan jende berdintsua bildu den arren, lehenengo bi hitzaldiek arrakasta haundiagoa izan zuten: Carlos Garcia Casak eta Jeanne Rolandek Afrika nola dago gaur egun? Oraina eta etorkizuna ikusteko modu berriak. Ideia eta garai berriak izenburuarekin eman zutena eta Gerardo Gonzalezek Munduko Potentzia nagusiak Afrikako batasunaren aurrean gaiarekin eman zutena. Antolatzaileek pena bakarra dute: Afrika plana azaldu behar zuen Espainiako Gobernuko kidea, azken momentuan ezin ekarri izana.