Udalak jakinarazi du, prentsara bidalitako ohar baten bidez, Portu eta Latsunben ekipamendu berriak jarri dituela, auzo horietako auzo elkarteek hala eskatuta. Andoni Amonarraiz, Zerbitzu Publikoetako zinegotzia denak azaldu duenez, ´Portu auzoan RENFErena zen eta guztiz utzita zegoen eremu bat egokitu da eta bi frontoi eraiki ditugu. Laster saskibaloi saskiak ere jarriko ditugu eta baita pin-ponera jolasteko mahai bat eta aisialdirako gune berde berri bat ere`. Latsunbeberrin ere, kiroldegi ondoan dagoen plazan, bost urte arteko haurrentzat parke bat jarri dute. Andoni Amonarraizek azpimarratu duenez ´urtez urte bizilagun elkarte ezberdinen eskaerak eta behar-izanak asetzen joan gara eta hala jarraitzea espero dut`.