XII. Dantzari Festaren barruan, erromeria izango da gaur Plaza Berrin, Patxi Perez eta Batbiru taldearekin, 19:00etan hasita. Euria egingo balu, Atsegindegin egingo litzateke ekitaldia. Bestalde, euskal janzkien erakusketa ikusteko azken eguna gaur izango da, Biterin 17:00etatik 19:30etara.
Bihar kalebueltak
Bihar arratsaldean bukatuko da Dantzari Festaren aurtengo edizioa. Dantzari txikiak eta Gipuzkoako zazpi dantza talde (tartean TTarla) aterako dira Hernaniko kaleetan barrena, 17:00etan. 19:00etan Alkarkide taldeko dantzariak girotuko dituzte kaleak.