Ume, gazte eta helduak ibili gara KORRIKA, lekukoari helduta batzuk, korrika egiteko leku egin ezinik beste batzuk. Jende asko Hernani eta inguruetan, aho ugari euskararen alde oihuka. Baina hizkuntzak ahopeka, lagungiro goxoan, maitasun hitzetan, haserrealdietan, azalpenetan ere badaki hitz egiten. Hor dago. Heldu egin behar. Behin helduta berak ez zaitu utziko, zuk ihes egiten ez badiozu, ondo hartuko zaitu. Heldu-heldu eginda ibiliko zarete biok. Orduan, korrika nahiz patxadan, heldu dizun hizkuntza horri emango dizkiozu eskerrak. Guk zuei eman nahi dizkizuegu. Mila esker
Leire Arregi eta Lur Etxeberria