gaur bukatuko dira Saharapeko Afrikari buruzko jardunaldiak, Afrikar komunitatea hemen hitzaldi-eztabaidarekin. 19:00etatik aurrera, Biterin izango dira Agustin Unzurrunzaga SOS Arrazakeriako kidea eta Abdulaye Gueye Caritas-eko abokatua, AMHER-ek antolatuko ekitaldian. Gueyek etorkin azpisahariarren bidaia azalduko du: zergatik abiatzen diren, nola, eta abar. Unzurrunzagak, berriz, etorkinak hemen aurkitzen duten bizimodua azalduko du: lan mundua, legeak, integrazioa...
Atzo ‘Afrika plana’ aztergai
Atzo, Nerea Basterretxek eta Jose Luis Carrascok Afrika plana eta kooperanteen papera azaldu zuten Biterin, Kooperazioa Saharapeko Afrikan eta kooperantearen papera hitzaldian. Hernaniko kooperazio taldeak antolatutako Afrika, dena eman eta zer jaso? jardunaldiak apirilaren 17an hasi ziren eta lau hitzaldi eta zineforum bat egin dituzte, gaiaren bueltan.