BI azoka izango dira gaur Hernanin, Emausek eta Udalak antolatuta. Batetik, Nahas-Mahas bigarren eskuko azoka izango da Atsegindegi plazan, goizeko 11:00etatik 14:30etara. Nahas Mahas azoka hilero egingo dute eta gaur izango da aurrenekoa. Bigarren eskuko azoka hauetan gauzak saldu nahi dituztenek telefono honetara deitu dezakete: 943-367534 edota helbide elektroniko honetara mezu bat bidali dezakete: azoka@emaus.com. Bestalde, bidezko merkataritzako produktuekin azoka ere jarriko dute gaur, Plaza Berrin, goizeko 10:30etatik 14:00etara. Azoka honek emango dio bukaera astean zehar izan den bidezko merkataritza eta kontsumo arduratsuaren asteari. Musika, tailerrak, ipuin kontalariak ere izango dira, tartean.