Hernanik Orioren aurka hasiko du Herri Arteko Txapelketa apirilaren 29an, asteazkeneko zozketak erabaki zuenez. Badirudi lehenengo fasea pasatzeko moduan izango direla hernaniarrak, Rufino Rekaldek, guztia alde ikusten ez badu ere: ´Oriokoak ez ditugu gehiegi ezagutzen, baina nagusietan bi atzelari gogor dituzte eta jubeniletako bat ona da`. Hernaniri dagokionez, talde ona baina juxtua duela esan digu Rekaldek: ´ lesioren bat gertatuz gero, dena hankaz gora geratuko zaigu`.
Donostia zain, berriz ere
Orio pasatzea lortuz gero, Hernanik Donostia izango du zain ´Azpeitirekin batean faborito garbia`. Hernanik ez du zorte haundirk izan azken lau urteetan, beti egokitu baitzaio Donosti talde zailarekin aurren samarrean jokatzea.