Hernanik eta Gernikak partidu garrantzitsua jokatuko dute bihar Landaren, eguerdiko 12:00etatik aurrera. Hernani sendo dago bigarren postuan, baina geratzen diren lau partiduetan ez dute despistatu behar, Joxe Elosegi entrenatzaileak Kronikari adiera dionez. Lau partiduetan zailena biharkoa izango du Hernanik, gernikarrek gora egin baitute nabarmen eta azken partiduak irabazten ari dira.
Partidua aurrean
´Partidua aurreko lerroan lotu behar dugu eta hori lortzean baloiak ireki` adierazi du entrenatzaileak. Atzeko lerroan 4 jubenilek jokatuko dute eta ´jokatzeko` agindua eman die, ´ez beldurtzeko`. Jubenilen freskotasun hori aprobetxatu nahi du Hernanik, indartsu eta motibatuta baitaude, Euskal Herriko txapelketa irabazita. Lau partidu hauek, puntuak bakarrik ez dituzte izango jokoan, test bat ere izango dira hernaniarren indarrak nola dauden neurtzeko. Bigarren postuan geldituz gero, Ohorezko mailarako igoera fasea jokatuko du Hernanik eta partidu horiek erakutsiko dute hein haundi batean, liga bukaerara zein puntutan iritsiko diren Landarekoak.
Baja ugari
Partidu honetarako ere baja dezente izango ditu Hernanik, baina arazorik ez dute izango talde sendoa osatzeko, Elosegiren hitzetan.
Aurretik jubenilei omenaldia
Biharko partidu aurretik, jubenilen taldeari omenaldi txiki bat egingo dio Errugbi elkarteak, Landaren bertan, Euskal Herriko txapela dela eta.