OIer Mendizabal pelotari hernaniarrak eta Mikel Belloso zarauztarrak bigarren mailako binakako finala jokatuko dute gaur, Retegi Bi-Argoteren kontra. Gernikako Santanape frontoian izango da partidua eta aurretik Mendizabal-Oteiza eta Retegi Bi-Apraiz ariko dira hirugarren postuaren bila, 19:30etan hasiko den partiduan.
Gaurko finalean Asegarce enpresako txapeldunak ezagutuko dira, eta hauek Uriarte-Galarza VI Aspeko txapeldunen aurka jokatuko dute bigarren mailako finala, martxoaren 30ean, Iruñeako Labriten seguruenik.
Final aurrekoan
22-21 irabazita
Belloso-Mendizabal IIk Mendizabal-Oteiza utzi zituzten kanpoan martxoaren 12an, 22-21. Oierrek partidu hori jokatu ahal izan zuen, baino ligaxkako bi partidu Raik jokatu behar izan ditu, bera gaixo zelako, eta ´eskerrak` eman dizkio pelotari hernaniarrak.
Finalerako beste bikotea jotzen du Oierrek faborito, baina irabazi dezaketela uste du ´beraien artean distantzia markatu` eta aurrean tantua bukatuz gero. Oierrek Kro-nikari adierazi dionez, Belloso ´ondo` ikusten du, baina berari ´puntua hartzea` falta zaiola dio; ez omen dago gaixotu aurretik bezain indartsu. Gernikakoa partidu ´gogorra` izango dela dio hernaniarrak, eta ´edozer´
pasa daitekeela.