Gazte talde batek Gazte eguna’07 antolatu du gaurko Atsegindegin, Independentzia eta sozialismoa lemarekin eta egun osoan zehar hitzaldia, bazkari herrikoia, magia eta musika izango da. Ekitaldiak goizeko 11:00etan hasiko dira, AHTaren inguruko hitzaldi batekin. Ondoren, 14:00ak aldera, bazkari herrikoia egingo dute. Bazkaldu ondoren, Txan magoaren trukoak harrapatzen saiatuko dira gazteak, 15:30etatik aurrera. 17:00etarako jokoak antolatu dituzte eta gau partean kontzertua izango da Ania eta Kloratitarekin. Goizeko 01:00etatik aurrera musika festa dute antolatuta Kontrakantxa gaztetxean Aritz Sound Systemekin, ´eguzkia atera arte`.
Gaztetxea berriz itxi zuten atzo Atzo iluntzean gaztetxea berriz tapiatu zuten eta Gazte Asanbladak salatu nahi izan du udaletxearen ´joko zikina`. Diotenez ´aurreko egunetan beraiekin bildu ginen eta ez ziguten ezer esan`. Gaineratu dute ´ondotxo zekitela zer asmo zegoen gaurko` eta ´jarraituko dutela gaztetxearen alde`. Asanblada izango da gaur 12:30etan, Atsegindegin.