bigarren Sagardo Eguna izango da igandean, Chillida Leku museoan. Sarrerak Biteri kultur etxean eskuratu daitezke dagoeneko, 8 euroan. Sarreraren truke igandean bertan sagardoa edateko basoa eskuratu daiteke. Ekitaldia eguerdiko 12:00etan hasiko da museoan eta autobusak antolatu dituzte Hernanitik joateko. Autobusak Atsegindegitik aterako dira goizeko 11:30etan eta goizeko 11:45etan.
Egitaraua
Igandean eguerdiko 12:00etan, aurkezpena eta ongi etorri ekitaldia izango dira, Zabalaga baserrian. Bertan izango dira: Joxan Rekondo, Alkatea; Luis Chillida eta Hernaniko sagardogile elkarteko ordezkariak. Segidan trikitixa eta txalapartariak izango dira. Ekitaldian zehar sagardoa, sagarrarekin egindako produktuak eta gazta probatu ahal izango dira.