Ttarla dantza taldea aurten ere Inauterietako konpartsetan atera da. Hala ere, eguraldia dela eta prestatutako karroza dotorean ez ateratzea erabaki zuten. Dantza taldeak adierazi duenez, eguraldia txarregia zen ateratzeko: ´haur txikiak ditugu tartean eta jaialdia aterpean egitea erabaki genuen`. Ttarlak eskerrak eman nahi izan dizkie konpartsa eta karroza prestatzen lagundu duten guraso eta herritarrei. TTarlan 240 bat haur, guraso, eta irakasle atera dira aurtengo konpartsan, tximeletaz, euliz, amona mantangorriz eta erlez jantzita.