Asiari buruzko hitzaldia bihar Chillida-Lekun

Kronika - Erredakzioa 2007ko ots. 21a, 01:00

Ingurumenaren biografiak (Environmental memoirs) proiektuari buruzko hitzaldia emango dute bihar Eider Huertasek (Donostia) eta Andrew Rickardek (Melbourne) Chillida-Lekuko auditorioan, 18:00etan. Hitzaldia Eduardo Chillida eta ingurumena hezkuntza programaren barruan sartzen da. Auditorioak 50 pertsonentzako lekua du eta joateko aurrez gonbidapena eskatu behar da (943-335308 telefonoan edo educacion@museochillidaleku.com-en).

Ingurune degradatuetako esperientziak bildu dituzte Proiektua Melbourneko Swinburne unibertsitateak bultzatutakoa da. Bertan, Huertas eta Rickard Asiako 14 herrialdetan ibili dira 9 hilabetez, ingurune degradatuetako pertsonen esperientziak jasotzen.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!