Mikel Peruarenak eta Txus Aranburuk Edan ase arte poema errezitaldi musikatua eskainiko dute bihar, gaueko 22:00etan, Bodega tabernan.
Edan ase arte Peruarenaren poema bilduma da, 2006an Irun Hiria saria irabazi zuena. Mikelek bilduma horretako poemak errezitatuko ditu eta Txus Aranburuk akordeoiarekin eta bandoneoiarekin lagunduko dio bihar.
Korrika kulturalaren barruan
Biharko ekitaldiak inauguratuko du aurtengo Korrika kulturala. Bihartik martxoaren 24ra arte 7 ekitaldi izango dira. Datorren larunbatean izango da hurrengoa; Mikel Arrieta historialariarekin Hernaniko ondare kulturala ezagutzeko aukera izango da. Udaletxeko arkupetan da zita, goizeko 10:00etan.