2007ko inauteriei iritsi zaie bukaera. Joan den ostiraletik hainbat ekitaldi izan dira Hernaniko kaleetan eta gaur arratsaldean izango da azkena. 18:30etan, sardinaren ehorzketa ospatuko da herriko kaleetan barrena, eta ondoren Plazan erreko dute sardina.
Atzo ‘break’ eta ‘scratch’ erakustaldia
Atzo arratsaldean break eta scratch erakustaldia eskaini zuten Zarautz, Donostia, Iruñea eta Hernaniko dozena bat gaztek Tilosetan, Jaifan eta Ajo bikotearen koreografiaren ondoren, 18.30ak aldera. Musika jartzen eta aurkezten Aritz Sound System izan zen eta Hernanin bizi den Chimidek (15 urte) parte hartu zuen, dantzan.