Martxoaren 22an hasiko da Korrika 15, Karrantzan, eta apirilaren 1ean bukatuko da, Iruñean. Hernanitik martxoaren 24an pasako da, eguerdian, eta egun horretako eta aurtengo korrika kulturaleko nondik norakoak gaur azalduko dituzte, 19:30etan, Atsegindegin. Aurtengo omendua emakumea izango da, ´mendeetan zehar herriari, hitzari, euskarari, elkarlanari` heldu diolako eta Korrika batzordeak deia luzatzen die emakume guztiei aurkezpenera azaltzeko.