ondo kostatatako 3 puntu lortu zituen atzo Gorengoen taldeak Aretxabaletaren aurka. Hiru puntuak ihes egingo zutela zirudienean, Hernanik berdintzea bakarrik ez, partidua irabaztea lortu zuen, azken 5 minututan sartutako bi golei esker.
Zati bakarreko partidua
Partiduaren laburpena egiterakoan, inor gutxi gogoratuko da atzoko lehenengo zatiaz. Bertan, aipatzeko moduko ia ezer ez zen gertatu eta hutsean joan ziren bi taldeak aldageletara. Oso bestelakoa izan zen bigarren zatia, denetatik izan baitzen: espulsioa, emozioa, hasarreak, golak eta markagailuan buelta. Hogeigarren minututik aurrera hasi zen benetako saltsa. Une horretan, aurrelari zuriberde bat atezainaren aurrean bakarrik gelditzera zijoanean, Aretxabaletako atzelari batek heldu eta honi txartel gorria atera zion epaileak. Bazirudien etxekoentzat partidua alde jarri zela, batipat jarraian izan zituen bi gol aukera garbiak ikusita. Baina, 5 minutu geroago kanpotarren gola etorri zen falta batean. Hortik aurrera, Hernaniren eraso festa izan zen. Zaleak etsitzen hasita zeudenean, jokaldi bikain baten ondoren, berdinketa lortu zuten etxekoek. Zailena egin eta gero, erasoan jarraitu zuen Hernanik eta denbora pasata zela, korner baten ondorioz, buruz lortu zuten hiru puntuak eman zizkien gola.
Hernani-Eibartarrak igoera fasean
Emakumezkoen ligako taldeak igoera fasea hasiko du gaur, Eibartarraken aurka. Zortzi taldeko ligaxkan jokatuko da igoera fasea. Gaurko partidua, 12:15etan Zubipen.