Herenegun Hernani eta inguruko mendietako tontorrak agertu ziren zurituta eta atzo herrigunean bertan jaso genuen elurraren bisita. Goi-zean goizetik hasi zen elurra botatzen eta jasa haundiena 09:30ak aldera bota zuen, herria zuritzeko adina. Elurraren ondorioz, Udaleko langileak lanean aritu ziren kaleetako elurra kentzen, espaloietakoa eta zebrabideetakoa, bereziki.
Trafiko eragozpenak
Ez ziren oinezkoak izan mugitzeko eragozpenak izan zituzten bakarrak. Zenbait ibilgailu gurutzatuta geratu ziren Cuesta de la Muerteko aldapan, eta bidea itxita egon zen gatza bota eta elurra urtu arte, 09:00ak eta 10:30ak artean. Garaiarreko autobusek arazoak izan zituzten bi lineatan eta ezin izan zuten puntual ibili. Andoaingo linean kolapsoak izan zituzten eta 4 autobus gehiago jarri behar izan zituzten ordutegiak betetzeko. Aieteko linea izan zen, hala ere, kaltetuena, Oriamendiko gaina itxita egon baizen denbora luzez, 11:10etan elurra kentzeko makina pasa zen arte. Areizaga enpresako autobusak ez zuten arazorik izan errepidean.
DYAk dispositibo berezia
Ondorengo egunetan ere ekaitz eta elurteak aurreikusi dituztela-eta, Gipuzkoako DYAk prebentziorako dispositibo bat jarri du martxan: lur orotako 4 anbulantzia, babesa emateko 2 ibilgailu, garraiorako 5 ibilgailu eta erreskaterako 2 unitatez osatua.