Goiko postuak helburu

Kronika - Erredakzioa 2007ko urt. 20a, 01:00

Emakumezkoen ligako taldeak Ostadarren bisita jasoko du, gaur 12:00etan, Zubipen. Gorengo taldea Martutenen ariko da, 12:15etan.

Emakumezkoen ligako taldeak hiru puntu baino gehiago ditu gaur jokoan Zubipen. Igoera faserako txartela lor dezake Jon Zabaletaren taldeak gaur Ostadarri irabaziz gero. Berdinketak ere balio lezake, baina garaipenak izan behar du hernaniarren helburua, jakina baita berdinketaren bila joanez gero, askotan esku hutsik bukatzen dela partidua. 12:00etan izango da partidua, Zubipen.

Gorengo taldea, Martutenen

Gorengo taldeak bigarren itzulia hasiko du gaur, Martuteneren aurka. Azken postuan da talde donostiarra eta Hernanik ez luke arazorik izan behar partidua irabazteko. Hala ere, joanekoan Martutenek jakin zuen zuriberdeei tamaina hartzen (1-2), beraz, Hernanik gogor ekin beharko dio partiduari, sorpresarik ez izateko, atzekoak gertu baitauzka.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!