Barajaseko atentatua gaitzetsi du AMHER-ek

Kronika - Erredakzioa 2007ko urt. 20a, 01:00

Atentatuak ´bihotz-bihotzean kolpatu` dituela eta horrelako ekintzekin ´aspertuta` daudela dio elkarteak.

Hernaniko AMHER-SOS Arrazakeria taldeak abenduaren 30ean Barajasen ETAk egindako atentatu ´ikaragarria` gaitzetsi du. Ohar batean elkarteak dio atentatuak ´bihotz-bihotzean` kolpatu dituela eta ´beren elkartasun xumea, baina sakona` bidaltzen diotela hildako bi lagunei eta beren sendiei.

´Bide berriak ireki behar ditugu`

Idatziak dio, ´giza eskubideen defentsa, heriotza zigorra gaitzestea, giza justiziarekiko konpromisoa, hiritar guztien eskubide berdintasuna eta elkarbizikidetzak ezin dituztela onartu: mina, ikara, gorrotoa, deshumanizazioa, inposaketa eta giza zatiketa bultzatzen dituen ekintzak`. Horrekin batera, ´gizartean dagoen diskriminazioa eta etorkinen egoera latzarekin ez daudela ados` adierazi dute eta ´bide berriak ireki behar ditugula`.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!