ANDONI Amonarraiz Zerbitzuetako zinegotziak kale garbiketaz arduratzen den FCC enpresari kaleak edatekoa ez den urarekin ureztatzeko agindu dio: ´Egoera kezkagarria ez den arren, egoerari aurrea hartu nahi izan du` dio Amonarraizek, Udalak zabaldutako oharrean.
Ura neurrian kontsumitzeko eskaera
Amonarraizen hitzetan, ´administrazioak gara uraren aurrezteari dagokionez eredua eman behar dugun lehenak` eta herritarrei eskatzen die uraren ´kontsumo arduratsua` egiteko, ´ondare eskasa dela eta`. Hala ere, prentsa oharrean dioenez, oraindik ez dute etxeetako ur-murrizketan pentsatu. Andoni Amonarraizek Hernaniko Udaleko Zerbitzuetarako zinegotzia izateaz gain, Añarbeko Uren Mankomunitatean Hernani ordezkatzen du.