Pertsona diferenteen aurrean, begiratu ezberdinak izenburuarekin, hitzaldia izan zen atzo Biterin. Bertan Jimmy Brosa Gautenako kidea eta Isabel Etxarri (Asperger sindromedun haur baten ama) aritu ziren, Ongintza Patronatuak antolatutako hitzaldian.
Autismoa eta Asperger
Hitzaldian, autismoa eta Asperger sindromearen ezaugarrietaz aritu ziren. Brosak adierazi zuen gaitzok dituzten haurrak gero eta gehiago direla, ´ez dakigu berez hala den edo detekzio programak hobetu egin diren`. Eta ´garrantzitsua da haurren inklusioa, integrazioan ez bezala, inklusioa gizarte osoaren ardura da` zioen Brosak. Joandakoek hitzaldian parte hartu zutela ere nabarmendu zuen eta gaitzaren detekzioak kezkatzen dituela gehien.