Espainiar Auzitegi Gorena Segi gazte erakundearen aurka egiten ari den epaiketaren sententzia urtarrilaren 18an jakingo da eta ´gazte indarraren bidez sententzia baldintzateko`, Segik borroka eguna deitu du gaurko. Goizeko 11:00etarako paroak deitu dituzte ikastetxe guztietan eta manifestazioak aterako dira Gudarien plazatik, bai eguerdian, 12:00etan, eta bai arratsaldean, 20:30etan.
´Helburua gazte borrokarekin amaitzea`
Prentsa ohar batean, Segik dio epaiketak helburu argiak dituela: ´gazte antolakuntza eta borrokarekin amaitzea` eta gaineratzen du ez duela utziko ´sasiagintari batzuk herri honen gatazkaren konponbide nahiarekin bukatzea`. Gazte erakundeak adierazi du gazteek ´konpromiso osoa` dutela gatazka konponduko duen prozesu demokratikoa bukaerara eramateko eta Segi ´ilegal edo terrorista` izendatu nahi izatea ´edozein prozesu politiko aurrera eramateko oztopo bat` dela.