Gazte txokoak eta kale hezitzaileek ´oso positibo` baloratu dituzte Gabonetan gazteei zuzendutako ekintzak. 11-18 urte artekoentzat ekintzak antolatu dituzte lau egunetan, ´nabaria zelako Gabonetan gazteei zuzendutako ekintza gabezia`.
Bataz beste 70 lagun
Santo Tomas eguneko txistorradan 100 bat gazte bildu ziren Atsegindegin. Abenduaren 26an Biterin, Play Station erraldoia eta karaokea izan zituzten. 60 gazte izan ziren eta karaokeak arrakasta itzela lortu zuen. Abenduaren 30ean, berriz, perkusio tailerra eta arku tiroa egin zituzten, 40 bat lagunek. Zo-zongo taldeko kideak eta Gipuzkoako Arku tiroko arduradunekin eta urtarrilaren 3an egin zuten azken ekintza; Plazan Berriaken karpan, ispiluak, kandelak, malabareak eta abar luze bat egin zituzten 80 gaztek. Egindako ekintzekin Gabon hauetan gazteak herriko dinamiketan presente egotea lortu dutela adierazi dute antolatzaileek.