MENDIRIZ Mendik antolatua, iraupen eski eta eski alpino ikastaroa izango dira datorren larunbat eta igandean, hilaren 13 eta 14an. Mendiriz Mendik urtero antolatzen du ikastaroa eskiatzen ikasi nahi dutenentzat.
Bilera gaur
Ikastaroan parte hartzeko interesa dutenekin bilera egingo dute gaur arratsaldeko, 20:00etan, Mendiriz Mendiko lokalean (Iturregi plaza, behea). Bileran hitz egingo dute ikastaroaren prezioaz, ordutegiaz eta gainerako xehetasunetaz. Izena emateko Mendiriz Mendiko bulegora joan behar da, astelehen, ostegun edo ostiralean, arratsaldeko 20:00etatik 21:00etara.