Hernanik 9
Euskaldunak 0
EMAKUMEZKOEN Ligako Hernaniko taldea jaun eta jabe izan zen atzo Zubipen, Euskaldunaren kontra 9 eta 0 irabazi baitzuen. Lehenengo zatian 4 gol sartu zituzten zuri berdeek eta bigarren zatian 5. Gol horietatik 4 Itxaso Etxabek sartu zituen, beste 3 Nerea Abacensek, beste 1 Garazi Zarauzek eta Izarne Oiarzabalek bestea. Partidu hasieratik argi geratu zen Hernani Euskalduna baino gehiago zela, eta gainera Hernanik oso joko polita erakutsi zuen, Gabonetan egindako entrenamenduek fruituak eman dituztenaren seinale. Datorren astean Ostadarren kontra jokatuko dute, Hernaniren atzetik doan taldearen kontra. Irabazi edo berdinduz gero Igoera Fasean sartuko litzateke Hernani.
Gainerako emaitzak
Beste taldeek ere izan dituzte partiduak asteburuan, hona hemen emaitzak: Liga Nazionalean dauden jubenilek 0 eta 1 galdu zuen; Jubenilen aurreneko mailako taldeak 0 eta 6 irabazi zuen; Kadeteen ohorezko mailako taldeak 0 eta 1 galdu zuen; Kadete txikien mailako taldeak 2 eta 1 galdu zuen; Infantilen ohorezko mailako taldeak 1 eta 0 galdu zuen; Infantil txikien mailako taldeak, 0 eta 2 galdu zuen eta F-11n dabilen kadeteen taldeak 0 eta 3 galdu zuen.