KIROLDEGIKO frontoiko teilatua ari dira berritzen egun hauetan, kiroldegi aurrean, Urbieta kale aldera, grua eta seguritate baila jarrita. Frontoiko obra kiroldegian egingo duten obraren aurreneko fasea da. Fase honetan tenis pista estali eta tatamia jarriko dute, baita ere. Obra honek 635.000 euroko aurrekontua du. Tenis pistan tatamia jarrita karate gela libratu eta gimnasioa haundituko dute. Gimnasioa haunditu, txukundu eta bertan, makina berriak jartzeak, 430.000 euroko kostua izango duela aurrikusi dute. Obraren bigarren fasean goiko eta beheko pistetako teilatuak aldatuko dituzte. Helburua da orain dauden itote arazoak konpontzea. Obra honek 215.000 euroko aurrekontua du.
Igerilekua haunditzeko proiektua
Egin litezkeen beste bi obra dira igerilekua haunditzea eta wellness eremu bat egitea. Izan ere, patronatuak obra hauek egiteko proiektuak eskatu ditu, 43.000 euroko aurrekontuarekin. Igerilekuaren proiektua eskatzerakoan honako baldintzak jarri ditu patronatuak: igerilekuak gehienez 2 metro zabaleko 10 kale izatea; igeri ikasteko 8X6 metroko igerileku berria egitea; eta igerilekuen artean eta igerileku eta pareta artean, bi metroko tartea uztea. Wellness eremua, gorputza tonifikatu eta relajatzeko eremu bat da eta patronatuak proeiktuak honako hauek izatea eskatu du: 2 masaje gela; vichy dutxa (masaje urarekin); eserlekuak, tunbona eta hot tub-a (ura beroa duen igerileku txikia hidromasaje eta aromaterapiarekin, besteak beste) duen igerilekua; sauna finlandiarra; lurrun sauna; terma bat; dutxak (bitermika, tropikala, eskoziarra eta euri moduko ur hotza botatzen duen beste bat), 2 aldagela eta galdara gela.
Kiroldegiko obrak
1. Fasea:
-Frontoiko teilatua aldatu
-Tenis pista estali eta tatamia jarri.
-Gimnasioa haunditu.
2. Fasea:
-Goiko eta beheko pistetako
teilatua aldatu.
Proiektuak eskatu dira:
-Igerilekua haunditzeko.
-Wellness eremua sortzeko (masajea, vichy dutxa, relajatzeko piszina, finlandiar sauna, terma eta dutxa ezberdinekin).
Orain artean egindako obrak:
-Sarrera eta pasilloa konpondu
(2004an).
-Piszinetako gradak konpondu (2003an).
-Piszinako paretak, lurra, bentilazioa,
uraren filtroak eta motorrak txukundu
(2001ean).