Ongintzak jakitera eman du informazio hau, egoera baliatuta, adinezko pertsonak bisitatzen emakume bat dabilela eta.
Ongintza Patronatuak kontratatuta, gizarte laguntzaile bat dabil etxez etxe, 65 urtetik gorako pertsonek dituzten beharrak ikusi eta Udalak eta beste instituzioek ematen dituzten zerbitzuen berri emateko. Gizarte laguntzaileak zonaldeka gutunak bidaliko ditu, 65 urtetik gorako jendea duten etxeetara eta ondorenean telefonoz deituko du, bisitatzea interesatzen zaien jakin eta zita jartzeko. Antton da gizarte laguntzailea, eta Kronikari jakin arazi dionez, hitzordua jarritakoan pasatzen da etxeetatik, inoiz ez abisatu gabe, eta Ongintza Patronatuko langilea dela dioen akreditazioa eramango du.
Ongintza Patronatuak jakitera eman du, Antton ez den beste inork ez lukeela etxez etxe ibli behar beren izenean. Dirudienez, egoera baliatuta emakumezko bat ere badabil etxez etxe eta Ongintza Patronatuak eman dio horren berri Ertzantzari.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!