Gorengo taldea, txukun
Gorengo taldea 5garren da sailkapenean, 24 punturekin, lehenengo itzulia bukatzeko bi jardunaldi geratzen direnean. ´Bi partidu horiek irabaziz gero, gora begira hasiko genuke bigarren itzulia eta gure helburua gertuago izango genuke, hau da, martxoa-apirilan goiko postuetan egotea` dio Jon Loranek. Gol gehien sartu dituen taldea da Hernani, 31 dianarekin, partiduko bi baina gehiago, bataz beste. ´Ofentsiboki oso ondo gabiltza, baina defentsa sendotu behar dugu` gogora arazten du Loranek. Taldearen martxa ´ona` dela diote klubean eta aldagelako giroa, berriz, ´oso ona`. Denboraldi hasieran herritarrei egin zieten deiak ere eragina izan du eta Zubipera jende asko jaisten ari da partiduetara, ´herritarrak ilusioarekin somatzen ditugu eta klub bezala garrantzitsua da hori`.
Emakumezkoen ligakoek ´kristoren lana`
Emakumezkoen ligako taldea denboraldi ona egiten ari da, eta sailkapenean ondo kokatuta iritsi dira Gabonetako jaietara. Neskak 4garren dira, 30 punturekin, eta 3 partidu besterik ez dituzte galdu 15etik. Lehen lauak igoera fasean sartuko dira eta hiru partiduren faltan, 6 punturen abantaila du Hernanik 5garrenarekiko. Klubak dio kristoren lana egiten ari direla bai jokalariak, eta bai Jon Zabaleta entrenatzaile añorgarra. ´Neskak oso konpromezu haundia hartu dute eta oso kontentu gaude klubean`.