Elkartzenek antolatuta etxebizitza eskubidearen aldeko zenbait ekitaldi ari dira burutzen Hernanin, Etxebizitza: XXI. mendeko esklabutza, hautsi kateak lemarekin. Bihar, osteguna, hitzaldia emango du Nekane Jurado Ekonomilariak Biterin, 19:30ean, etxebizitza arazoak izan ditzakeen alternatibei buruz.
Parodia larunbatean Joan den larunbatean, Elkartzenek bere boletina zabaldu zuen Hernaniko kaleetan eta parodia bat egin zuen, Etxebizitza: XXI. mendeko esklabutza, hautsi kateak mezua aldarrikatzeko: korbata eta trajez jantzitako gizon batek latigoz jotzen zituen etxea erosi behar zutenak. Irudian parodia egiten Kale Nagusian.