Gaur arratsaldean hasiko dute 2006/07 denboraldia atleta federatuek, Donostiako belodromoan izango den jardunaldian, 17:00etatik 18:35era. Jardunaldi berriaren hasieran parte hartuko dute atleta hernaniarrek. Maitane Iruretagoyena jubenilak 200 metroko proban korriko du; Enara Agirrezabala kadetea eta Ane Villaverde 300 metroan ariko dira eta, jauzi hirukoitzean, Lide Redondo klubeko errekorra egiten saiatuko da (10,26 m.). Gizonezkoetan, Joxeba Lizeagak hiru probetan hartuko du parte: altuera jauzian, 200 metroan eta 60 metro hesietan. Manex Pagola 200 metroko karreran ariko da eta Miguel Angel Garin jauzi hirukoitzean.
Goizean eskolarrak
Sagastialden 11:00etatik aurrera, benjamin adineko haurrentzat kirol eskolarreko jardunaldia dago antolatuta, Sagastialden. Bertan proba hauetan lehiatuko dira: 50 metro, pelota jaurtiketa, luzera jauzia eta 500 metro. Igandean, CD Hernaniko maila ezberdinetako korrikalari ugari izango da Irungo irekiera krosean. Proba goizeko 10:00etan hasiko da.