Urbieta eta Elkano kaleetan doaneko TAO eremua dago jarrita (kolore urdinez markatutako eremuak), modu esperimentalean. Aparkatzeagatik ez da ezer ordaindu behar, baina ordubete baino lehenago kendu behar da kotxea. Hala egiten ez duenari, bihartik aurrera multa jarriko dio Udaltzaingoak.
Modu esperimentala
Urbieta kalea eta Elkarno kaleetan (Biteri kultur etxe aurrean) TAO eremua helburu batekin jarri dute: aparkalekuen errotazioa garantizatzea. Hernani erdigunean aparkatzeko zailtasunak direla eta, bide bat bilatu nahi da, momentu motz baterako herrian aparkatu nahi duenarentzat. Horregatik, ordubetez bakarrik aparkatu liteke TAO zona horietan. Froga honek irauten duen bitartean, azterketa egingo dute eta ondorioak aterako dituzte, sistemak balio ote duen jakiteko.