MENDIZALE asteak bihar izango du jarraipena, hainbat mendizalek prestatutako irudi proiekzioekin. Astelehenetik ostegunera bitartean Biteriko areto nagusiko eserlekutik mugitu gabe, igoera eta eskalada ikusgarriak, eta Etiopia, Zeelanda Berria eta Kanadako paraje ikusgarriak ikusi ahal izango dira. Proiekzio guztiak arratsaldeko 19:30etan izango dira. Proiekzioetan aurrena Juan Vallejok prestatutakoa izango da. Broad-Peakera neguan egindako igoera, Baltoro Glaziarrean dagoen Izenik Gabeko Dorrean egindako eskalada, eta K2 mendira egindako igoera ikusi ahal izango dira, berak aurkeztuta.
Ostiralean argazki lehiaketako sari banaketa
Ostiralean argazki lehiaketan aurkeztutako diapositibak eta argazki digitalak ikusi ahal izango dira. Horrez gain, elkarteak urtean zehar egindako irteeretako argazki aukeraketa ere proiektatuko dute. Argazkiak erakutsi ondoren lehiaketako sari banaketa izango da. 19:30ean, Biterin. Igandean bazkide eguna dute eta aurten Zegama-Zerain mendi irteera egingo dute.
- Astelehena 13
KARAKORUM MENDIAK
Juan Vallejo mendizaleak egindako 3 eskalada erakutsiko ditu: Broad Peakera neguan egindako igoera; Baltoro Glaziarraren Izenik Gabeko Dorrean egindako eskalada (Eternal Flame bidea, 1.400 metroko horma ikagaragarria, eta Al filo de lo inposible saiorako K2ra egindako igoera. - Asteartea 14
ETIOPIAN BARRENA, OINEZ
Mila Gallastegi eta Asier Aranzabalek Etiopian barrena oinez egindako bidaian
ikusitako parajeak erakutsiko dituzte: Sitien eta Lasta mendiak eta Nilo Urdinaren
iturburua iparraldean; hegoaldean, Kaffa mendiak. - Asteazkena 15
ZEELANDA BERRIA
Jose Ramon Agirre, Marronek, Zelanda Berrian zehar egindako bidaiaren berri emango du, Northlandeti Otago eta Southlanderaino. Tasmaniako kostaldeko hondartzak, parke nazionalak, sumendiak eta bertako fauna aberatsa ikusi ahal izango dira. - Osteguna 16
MENDIKO ESKIA KANADAN
Belen Eguzkitza eta Poto Gorrotxategiren proiekzioa. Helikopteroak Glaziarretako parke nazionalean utzi zituen bi mendizaleak. Motxila bizkarrean eta eskiak oinetan, zortzi egunetan egindako
bidaian topatutako bazter
ikusgarriak erakutsiko
dituzte.