Ubarretxena-Galarza 2. mailara igo dira

Ubarretxena eta Galarza CD Hernaniko palistak 3. mailatik 2. mailara igotzea lortu dute, pala motzeko Gipuzkoako ligan. Bihar 10:00etan, Aginagan finala jokatuko dute, igotzea lortu duen bikote zumaiarraren aurka. Ubarretxena-Galarzak 1. mailan jokatu zuten duela bost urte, baina lesioak zirela medio, palan jokatzeari utzi behar izan zioten. ´Utzitako plaza ez zuen inork aprobetxatu. Orain ere gu bakarrik gaude Hernanin` dio Ubarre-txenak. Lau urte eta gero, berriro jokatzen hasi dira eta datorren urtean 2. mailan jarraitzeko asmoa erakutsi dute.