Mendiriz Mendin datorren urteko bidaia eta jarduera egutegia prestatzeko lanean hasi dira eta asteazkenean izango da bilera, Mendiriz Mendiko lokalean bertan, Iturregi plazan. Bilera arratsaldeko 20:00etan izango da.
Jardunaldi ugari
Mendiriz Mendik jardunaldi ugari antolatzen ditu urtean zehar. Aurtengo urtean esaterako, helduentzako 16 irteera antolatu dituzte, gaztetxoen-tzako 12 irteera, ikastaroak, irteera bereziak, bigarren eskuko azoka eta abar luze bat.