Hernanik eta Aurrera de Ondarroak jokatuko dute gaur Zubipen, Gorengo mailan. Hernaniarrek izugarrizko etekina atera diote etxetik kanpoko partiduei eta goiko postuetan dira, baina etxean ezin irabazita. Orain arteko 10 puntuetatik 9 etxetik kanpora atera dituzte hernaniarrek, eta Zubipen puntu bakarra lortu dute bi partidutan. Hala ere, joan den asteburuko gogoa eta seriotasunarekin jokatzen badu, hiru puntuak lortzeko moduan izango da Hernani.
Liderrari irabazita
Hernanik Ordizia liderra hartu zuen joan den asteburuan menpean, eta partidua aldapan gora zuela gainera. Hernaniarrek ez zuten etsi eta azken 5 minututan eman zioten buelta markagailuari. Horrek moral haundia eman die zuriberdeei, liga honetan edonori irabazteko gauza direla ikusi baitute. Sailkapenean bigarren jarri dira Zarautzen atzetik eta Ordiziak adina punturekin. Ondarroa erdi parean Aurrera de Ondarroa taldea 11garren dago sailkapenean 6 punturekin, baina ez da kontrario erraza izango, sei puntu horietatik lau etxetik kanpo lortu baitituzte bizkaitarrek.
SAILKAPENA:
1. ZARAUTZ 12
2. HERNANI 10
3. ORDIZIA 10
4. ANAITASUNA 9
5. ZESTOA 8
6. TOURING 7
7. BERIO 7
8. MONDRAGON 7
9. UROLA 7
10. IDIAZABAL 7
11. AU.ONDARROA 6
12. HONDARRIBIA 6
13. PASAJES 5
14. TRINTXERPE 5
15. MARTUTENE 4
16. MUTRIKU 4
17. ALOÑA MENDI 3
18. ARETXABALETA 2